शाळेची माहिती

शून्यातून विश्व निर्माण करणारे व भिवंडी सारख्या उद्योगनगरीत वेगळा उद्योग (जी.जी.दांडेकर कंपनी) निर्माण करणारे दृष्टा उद्योजक कै. गोपाळ गणेश उर्फ दादासाहेब दांडेकर यांनी समाजातील विविध घटकांसाठी उदरनिर्वाहाची व्यवस्था केली तोच वसा घेऊन शिक्षणक्षेत्रात कार्य करताना समाजातील विशेषतः कामगार वस्तीतील विदयार्थी व विद्याथीनिंची शिक्षणाची सोय व्हावी यासाठी कै. कमलाताई बैंदूर व ताई गोखले यांनी झोपडीवजा खोलीत बालवाडी सुरु केली कै.शांताबाई देवधर व कै.कुसुमताई देवधर यांच्याकडून सर्वार्थाने झालेल्या सहकार्यामुळे शिशु विहार संस्थेचा १९५४ मध्ये प्रारंभ झाला व १९५५ मध्ये मा .सहाय्यक धर्मादाय आयुक्त ठाणे येथे संस्थेची नोंदणी देखील झाली.

भिवंडी शहरातील अनेक दानशूर व शिक्षणप्रेमी नागरिकांकडून तसेच समाजातील इतर घटकांकडून व नाट्य प्रयोग वगैरे सारखे सांस्कृतीक कार्यक्रमांचे आयोजन करून संस्थेला निधी मिळाला. १९८०-८२ या काळात १ ली ते ७ वी पर्यंतचे शिक्षण देणारी एक नावाजलेली प्राथमिक शाळा म्हणून संस्थेचे कार्य नावारूपास आले. पुढे १९९६ पर्यंतच्या काळात यासाठी आवश्यक असणारी इमारत केली गेली.

संस्थेने १९९६ मध्ये एक अत्यावश्यक व धाडसी निर्णय घेऊन माध्यमिक शिक्षणाची व्यवस्था व्हावी यासाठी निश्चित पावले उचलली त्यामुळे प्राथमिक शिक्षणानंतर विशेषतः विद्यार्थिनी शिक्षणापासून वंचित रहायच्या, त्याचप्रमाणे आर्थिक परिस्थिती बिकट असलेले विद्यार्थी शिक्षण सोडत असत. त्यांची सोय झाली. अशा या माध्यमिक शाळेतून सन २००० पासून म.रा.मा.व उच्चमाध्यमिक मंडळाची मान्यता घेऊन शिक्षण मिळणे सुरू झाले. आजच्या घडीला बालवाडी, प्राथमिक व माध्यमिक विभागात एकूण --45-- शिक्षक व -14 शिक्षकेतरकर्मचारी कार्यरत आहेत. अगदी सुरवाती पासूनच्या काळात संस्थेचे आधारस्तंभ म्हणून कै. कृष्ण विनायक देवधर व कै. माधवराव वामन देवस्थळी यांचे मोलाचे मार्गदर्शन लाभले. सुरवातीच्या काळापासून अनेक मान्यवरांनी संस्थाचालक म्हणून निस्पृहपणे सेवाभावाने कार्य करून संस्थेला उर्जीतावस्था मिळवून दिली. ७० वर्षापूर्वी लावलेल्या छोट्या रोपट्याचे आज वटवृक्षामध्ये रुपांतर झाले आहे.

शाळेची वैशिष्ट्ये

संस्था स्थापनेपासून संस्थेने आपल्या उद्दिष्टानुसार समाजातील आर्थिकदृष्ट्या दुर्बल आणि वंचित व्यक्तींना शिक्षण देण्याचा सातत्याने प्रयत्न केला आहे. त्यामुळे शालेय व सहशालेय उपक्रमांद्वारे विद्यार्थ्यांमध्ये समान शैक्षणिक व सामाजिक मूल्ये रुजवण्यासाठी आणि सुसंस्कृत सामाजिक अस्तित्व निर्माण करण्यासाठी सातत्याने प्रयत्न केले जातात. काळाची गरज ओळखून संस्था बालवाडी विभागात प्रशिक्षित महिला शिक्षकांची नियुक्ती करते आणि विद्यार्थ्यांना सेमी इंग्रजी माध्यमासाठी तयार करते. बालवाडी विभागात विविध उपक्रम, खेळ, उत्सव पालकांच्या सहभागाने एक आनंददायी शिक्षण अनुभव देण्यासाठी राबवले जातात. शैक्षणिक वातावरणात शिकण्याची सोय व्हावी यासाठी बोलक्या भिंती आणि रंगीबेरंगी बेंच देण्यात आले आहेत.

प्राथमिक विभाग

शासनमान्य प्रशिक्षित शिक्षकांची नियुक्ती करणे सक्तीचे असले तरी आजपर्यंत संस्थेने निवडीच्या बाबतीत अत्यंत कडक भूमिका घेतली आहे. शिक्षकांची निवड विविध कलागुण आणि बहुमुखी व्यक्तिमत्त्वांसह केली जाते. इयत्ता पहिली ते सातवीपर्यंतचे शिक्षण सेमी इंग्रजीतून दिले जाते आणि विद्यार्थ्यांना विविध स्पर्धा परीक्षांसाठी मार्गदर्शन केले जाते.

माध्य विभाग:

शासनमान्य प्रशिक्षित शिक्षकांची नियुक्ती करणे बंधनकारक असले तरी आजपर्यंत संस्थेने निवडीच्या बाबतीत अत्यंत काटेकोर राहिली आहे. शिक्षकांमध्ये विविध कलागुण आणि अष्टपैलू व्यक्तिमत्त्व असलेल्या शिक्षकांची निवड केली जाते. माध्यमिक विभागात 8वी ते 10वी पर्यंतचे वर्ग सेमी इंग्रजी आणि मराठी माध्यमातून शिकवले जातात. तसेच नववी व दहावीच्या विद्यार्थ्यांना तंत्र विषयाचे शिक्षण दिले जाते.

विविध स्पर्धा परीक्षा

विद्यार्थ्यांसाठी N.M.M.S/N.T.S/ शिष्यवृत्ती आणि सरकारी चित्रकला ग्रेड परीक्षा विद्यार्थ्यांना मार्गदर्शन वर्ग घेऊन बसविले जाते. इयत्ता 10 वी च्या विद्यार्थ्यांसाठी, शिक्षक पालकत्व योजना लागू केली जाते आणि पालकांशी सर्वंकष गृहभेटीद्वारे केली जाते. दहावीला तंत्र विषय असल्याने भिवंडीतीलच नव्हे तर आजूबाजूच्या परिसरातील अनेक गावांतील विद्यार्थी प्रवेश घेतात.